Kombinati metalurgjik ”Jugohrom” duhet të vendosë filtrat ose të mbyllet, pasi që, sipas ambientalistëve, rezultatet e studimitt thonë se ky kombinat është ndotësi më i madh i ajrit në Pollog, pra ndikon 40% në ndotje, transmeton Telegrafi.
Sipas Rade Gogovskit nga shoqata ”Aqua”, Strugë, opsioni më i mirë është vënia e filtrave, por kjo nuk jep përgjigjen se kush duhet dhe si duhet ta bëj këtë. Ai shton se i mbetet menaxhmentit ta bëj këtë, por ka mundësi të gjendet edhe ndonjë marrëveshje me qeverinë apo pushtetin lokal, kurse beneficionet që do t’i kishim në rast të vënies së filtrave janë në anën e qytetarëve, gjegjësisht në shëndetin e tyre.
Edhe profesori universitar Zoran Shapuriq, tha se është deklaruar se politikat shtetërorë në drejtim të mjedisit jetësorë janë shumë të mira, por në praktikë ndryshojnë gjërat dhe të njëjtat tregohen jo të suksesshme. Ai shtpi se bashkërendimet mes institucioneve duhet të jenë në nivel shumë më të lartë sepse, në pajtim edhe me politikat dhe strategjitë tona, të gjitha strategjitë duhet t`i përmbajnë aspektet ekologjike.
Në tribunën e sotme në UEJL po ashtu u konstatua se, me investimin në mjedisin jetësor, me theks të veçantë në filtrat e Jugohromit, si dhe deponitë e egra, shteti do të kursej shumë më shumë mjete që harxhohen për shëndetësinë, gjegjësisht për të sëmurët me sistemin respirator dhe të sëmurët me kancer, ndërsa po ashtu, do të ndikonte edhe në rritjen e mesatares së jetesës në vendin tonë, e cila viteve të fundit është ulur./Telegrafi/