Victoria Lopyreva është duke pushuar në Spanjë, nga ku ka publikuar fotografi në të cilat ka pozuar në mënyrë atraktive.
Bukuroshja ruse ka qëndruar në Ibiza dhe Mallorca, ndërsa i ka njoftuar 1.2 milion ndjekësit e saj në Instagram për çastet e bukura që ka kaluar.
Victoria është një prezantuese, aktore, modele dhe blogure ruse, e cila është shpallur më e bukura e Rusisë në vitin 2003. Ajo është ambasadore zyrtare e Kampionatit Botëror, ‘Rusia 2018’.
Gjatë karrierës si modele, 33-vjeçarja ka zbukuruar ballinat e revistave të njohura, si Cosmopolitan, Gala, Future TV, L’Oficiel, Beauty, Beauty Unlimited, NRG, OK!, HELLO! e shumë të tjera.
Për një kohë të shkurtër, ajo ka qenë edhe drejtoreshë e ‘Miss Rusia’, ndërsa në vitin 2006 ishte moderatore e garës së bukurisë, ‘Miss Europe’ që u zhvillua në Ukrainë.
Ajo do të marrë pjesë në evenimentet e ardhshme që kanë të bëjnë me Kampionatit Botëror në Rusi për të promovuar mazhin dhe traditën e qytetit port Rostov-on-Don dhe gjithë Rusisë, për të folur rreth qëllimeve dhe objektivave të kampionatit dhe për të marrë pjesë në promovimin e ideve të sportit dhe mënyrës së shëndetshme jetësore. /Telegrafi/
