Ambasadori i Kosovës në Shqipëri, Nait Hasani është infektuar me COVID-19.
Hasani ka bërë të ditur se ka filluar trajtimin mjekësor në kushtet e karantinimit, transmeton Telegrafi.
“Pas testimit për COVID 19, rezultova pozitiv, me simptoma të lehta. Në përputhje me protokollin shëndetësor të IKSHPK- së, kam filluar trajtimin mjekësor në kushtet e karantinimit. Gjej rastin të ju bëj thirrje të respektoni maksimalisht, këshillat e autoriteteve shëndetësore”, ka shkruar ai në Facebook.
Ndryshe, në Kosovë dhe Shqipëri kohëve të fundit është rritur numri i personave të infektuar me coronavirus. /Telegrafi/
