Ambasadori i Britanisë së Madhe, Nicholas Abbott ka takuar kryetarin e Lidhjes Demokratike të Kosovës, Lumir Abdixhiku ndërsa tha se ka dëgjuar planet e tij për LDK-në dhe rolin si opozitë.
Abbott në një postim në Twitter shkruan se ka uruar Abdixhiku për pozitën në krye të LDK-së.
“Urova Lumir Abdixhikun dhe i dëgjova planet e tij për të ardhmen e LDK-së dhe rolin konstruktiv të opozitës që ata presin ta luajnë”, shkruan Abbott.
Ndryshe, të premten është paraparë takimi ndërmjet liderit të Lëvizjes Vetëvendosje, Albin Kurti dhe kryetarit të LDK-së, Lumir Abdixhiku për tu konsultuar rreth formimit të institucioneve.
Ndryshe, edhe LDK ka njoftuar për takimin e Abdixhikut me Abbott.
“Kryetari Abdixhiku e njoftoi Ambasadorin Abbott për synimet dhe programin e tij në LDK dhe qëndrimet e LDK-së rreth situatës aktuale politike në vend dhe formimit të institucioneve të Kosovës. Kryetari Abdixhiku falënderoi Ambasadorin Abbott për mbështetjen që Mbretëria e Bashkuar i ka dhënë Republikës së Kosovës në të gjitha periudhat”.
“Duke e uruar kryetarin Abdixhiku për detyrën e re, Ambasadori britanik Nicholas Abbott, tha se Mbretëria e Bashkuar do të vazhdojë të përkrahë institucionet e Kosovës, dhe do të jetë partner në projektet që synojnë zhvillimin e Kosovës, forcimin e demokracisë, sundimin e ligjit dhe fusha tjera. Po ashtu gjatë takimit u diskutua për bashkëpunimin e mirë mes dy vendeve dhe për mundësitë e thellimit të këtij bashkëpunimi”. /Telegrafi/
I offered @LumirAbdixhiku my congratulations over coffee this morning and heard about his plans for the future of the LDK and the constructive opposition role they expect to play. pic.twitter.com/a9dgjB3GAR
— Nicholas Abbott (@nickabbottfcdo) March 17, 2021