Ambasadori i Maqedonisë në Athinë, Darko Angellov thotë se Maqedonia do të mbetet e përkushtuar në procesin e bisedimeve për çështjen e emrit, deri sa të arrihet përparim.
Në deklaratën e tij për mediat greke, Angellov nuk dha ndonjë koment për thelbin e bisedimeve, pasi që, sipas tij, këto bisedime janë në një çast delikat.
“Vendi im, qeveria ime është e përkushtuar, dhe vazhdimisht aktive në proces në gjashtë muajt e kaluar, por edhe në të ardhmen. Mbetemi të përkushtuar në proces, deri në çastin e fundit kur do të ketë mundësi për të arritur zgjidhje”, tha Angellov./Telegrafi/