Ambasada e Spanjës në Shkup demanton informatat se në mbledhjen e Këshillit të Ministrave të Jashtëm të BE-së në Luksemburg, ka qenë kundër fillimit të negociatave me Maqedoninë e Veriut.
Nga Ambasada thonë se Spanja njeh meritat e Republikës së Maqedonisë së Veriut, veçanërisht Marrëveshjen e Prespës e cila, sipas tyre paraqet shembull për rajonin.
“Konsiderojmë se me komunikatën e kryesisë të këshillin rumun të BE-së, hidhen poshtë spekulimet e publikuara dje nga ana e një politikani nga opozita nga Maqedonia e Veriut sipas të cilave, Spanja kinse paska qenë kundër datës për fillim të negociatave së bashku me gjashtë shtete tjera anëtare. Spanja i njeh meritat e Republikës së Maqedonisë së Veriut, veçanërisht Marrëveshjen e Prespës i cili është shembull për rajonin”, thuhet në njoftimin e Ambasadës së Spanjës në Shkup.
Ndryshe, deputeti i OBRM-PDUKM-së Antonio Milloshoski, pas mbledhjes së Këshillit të Ministrave të BE-së, tha se shtatë vende kanë qenë kundër hapjes së negociatave me Maqedoninë e Veriut./Telegrafi/
