Ambasada e SHBA-ve në Shkup ka reaguar pas ngjarjeve të fundit në Kuvendin e Maqedonisë.
Ata thonë se dhuna nuk është në pajtim me demokracinë dhe nuk është e pranueshme mënyra e zgjidhjes së krizës, njofton Telegrafi Maqedoni.
“Ne dënojmë dhunën në Parlament në çdo kuptim të fjalës. Kjo nuk është në pajtim me demokracinë dhe është e papranueshme. Është e rëndësishme që gjithë partitë të respektojnë proceset demokratike dhe të përmbahen nga aktivitetet e dhunës të cilat do ta keqësojnë situatën”,thuhet në njoftimin e ambasadës amerikane.
Gjithashtu SHBA-ja do të punojnë ngushtë edhe me kryetarin e ri të Parlamentit të Maqedonisë, Talat Xhaferin.
“Shumica e deputetëve zgjodhën Talat Xhaferin kryetar të Kuvendit. Ne do të punojmë me atë për mbështetje të demokracisë dhe të përparojmë interesat e Maqedonisë”, thuhet në kumtesën e SHBA-ve./Telegrafi/
