Ambasada e Shteteve të Bashkuara të Amerikës në Kosovë ka përshëndetur stërvitjet e përbashkëta të ushtrisë së SHBA-së dhe FSK-së.
Gjatë dy javëve të fundit, anëtarët e Forcave të Sigurisë së Kosovës morën pjesë në angazhime si pjesë e stërvitjes më të madhe shumëkombëshe, të udhëhequr nga Ushtria Amerikane DEFENDER Europe 21.
“Është hera e parë që FSK organizon stërvitje. Përgëzime FSK-së për vazhdimin e ndërtimit të gatishmërisë dhe ndërveprimit të tyre përkrah SH.B.A.-së dhe forcave tjera ushtarake.
Dita e sotme ishte kulmi i këtij angazhimi: Nicholas Giacobbe dhe BG Schaertl rishikuan vlerësimin e kompetencave të Kompanisë së Këmbësorisë 1A. # Më të fortë së bashku”, thuhet në njoftim.
