Ambasada e Rusisë në Shkup përmes një postimi në Twitter ka komentuar rezultatin e referendumit të ditës së diel në Maqedoni, i cili nuk e arriti censusin prej 50 për qind të votave.
Nga Ambasada ruse thonë se rezultati i referendumit në Maqedoni dëshmon se votuesit vendosën ta bojkotojnë siç e quajnë, zgjidhjen e imponuar, njofton Telegrafi Maqedoni.
“Rezultati i referendumit në Maqedoni dëshmon se votuesit vendosën të bojkotojnë zgjidhjet e imponuara. Dy të tretat e qytetarëve të Maqedonisë nuk e mbështetën marrëveshjen e Prespës. Ajo është në kundërshtim me Kushtetutën e Maqedonisë dhe të drejtën ndërkombëtare”, thuhet në postimin e Ambasadës së Rusisë në Shkup.
Ndërkaq, gjatë ditës së djeshme reagim të ngjashëm ka pasur edhe Ministria e Punëve të Jashtme e Rusisë, prej ku thanë se NATO dhe BE përshpejtojnë që ta anëtarësojnë Maqedoninë, edhe përkundër vullnetit të popullit./Telegrafi/
#Москва: Резултатот од #референдум во #Македонија сведочи дека гласачите одлучија да бојкотираат наметнати решенија. Две третини од македонските граѓани не ја поддржаа Преспанската спогодба. Таа е спротивна на македонскиот устав и на меѓународно право https://t.co/ZqCz3BQtHA pic.twitter.com/lw4lYm7AFS
— Посольство России МК (@Russian_Emb_MKD) October 1, 2018