Publikimi i dokumentit të ashtuquajtur “non-paper” ku flitet për marrëveshjen Kosovë-Serbi, ka nxitur reagime.
Pas ambasadorit gjerman në Kosovë, Jorn Rohde i cili tha se ky dokument nuk është gjermano-francez siç pretendohet, ka reaguar edhe Ambasada e Francës.
Në një reagim të bërë nga ambasada franceze në Twitter, thuhet se Franca e Gjermania nuk janë burim i të ashtuquajturit “non-paper”.
“Franca dhe Gjermania nuk janë burim i të ashquajturit non-paper franko-gjerman, botuar sot në Koha Ditore. Ne mbështetim plotësisht ndërmjetësimin e Bashkimit Evropian dhe mirëpresim përpjekjet e bëra në këtë drejtim nga Përfaqësuesi Special i ngarkuar për dialogun Beograd-Prishtinë, Miroslav Lajçak”, thuhet në reagimin e ambasadës franceze.
La France et l’Allemagne ne sont pas à l’origine du prétendu non-papier franco-allemand publié aujourd’hui par Koha Ditore. Nous soutenons pleinement la médiation de l’UE et saluons les efforts entrepris en ce sens par le Représentant spécial chargé du dialogue Bg-Pr, M. Lajcak. pic.twitter.com/pDFi8McrZz
— France au Kosovo (@FranceauKosovo) April 27, 2021
Në këtë “non-paper” thuhet se procesi i dialogut duhet të përmbyllet para fundit të shkurtit të vitit 2022, dhe se të dyja palët si Kosova ashtu edhe Serbia, pranojnë sovranitetin e dy shteteve brenda territorit të caktuar të tyre./Telegrafi/