Shtetet e Bashkuara të Amerikës kanë përgëzuar Kosovën për zgjerimin e sanksioneve kundër Rusisë.
Ambasada amerikane në Prishtinë në llogarinë e saj në Twitter ka falënderuar Kosovën për strehimin e refugjatëve dhe gazetarëve ukrainas.
“Shtetet e Bashkuara përgëzojnë Kosovën për solidaritetin e saj me Ukrainën—duke miratuar sanksione, duke ofruar mbështetje humanitare për refugjatët dhe gazetarët dhe duke dënuar veprimet e pajustifikuara, të paprovokuara dhe vdekjeprurëse të Rusisë”, kanë shkruar nga kjo ambasadë.
Qeveria e Kosovës në mbledhjen e fundit ka miratuar vendimin për zbatimin e masave dhe sanksioneve të reja për Rusinë dhe Bjellorusinë, përfshirë pakon e katërt të sanksioneve të Bashkimit Evropian kundër këtyre dy shteteve. /Telegrafi/
#UnitedWithUkraine. The United States commends Kosovo for its solidarity with Ukraine—enacting sanctions, offering humanitarian support to refugees and journalists, and condemning Russia’s unjustified, unprovoked, deadly actions. https://t.co/0IlCY3SgcC
— U.S. Embassy Pristina (@USEmbPristina) May 17, 2022