Amazon tashmë ka një partneritet me AT&T sa i përket tabletit të saj Kindle Fire dhe lexuesve tjerë elektronik, dhe nuk është aspak befasi që Amazon Smartphone do të ofrohet tek ky operator, ekskluzivisht pas lansimit në tregun amerikan.
Ajo që dihet deri më sot është se telefoni i mençur i AT&T do ta ofrojë ekranin me diagonalen prej 4.7 inç në HD me rezolucion prej 1280 x 720 pikselëve, ndërsa pajisja do të ofrojë edhe procesorin quad core të Qualcomm Snapdragon.
Karakteristikat tjera të Amazon Smartphone përfshijnë edhe 2GB RAM dhe opsionin për 16GB ose 32GB memorie të brendshme, si dhe portin për microSD card.
Kamerat e përparme të Amazon Smartphone thuhet se do të krijojnë një numër të efekteve 3D, dhe se numri i kamerave do të jetë më i madh sesa vetëm dy që vijnë zakonisht në telefona të mençur.
Megjithatë, këto janë vetëm disa nga pretendimet për specifikat e telefonit të Amazon, ndërsa nesër pritet që të gjitha detajet e këtij modeli të ri të telefonit të bëhen zyrtare. /Telegrafi/