Amazon ka ndryshuar logon e saj të aplikacionit, pasi klientët thanë se ridizajnimi i fundit e ka bërë të duket si figura e Adolf Hitlerit.
E publikuar në janar, ikona përmbante një shirit të kaltër mbi “buzëqeshjen” e Amazonit. Mirëpo, disa konsumatorë thanë se kjo i ngjante mustaqeve të diktatorit nazist Adolf Hitler.
Gjiganti i shitjeve online tani e ka ndryshuar logon me një shirit të kaltër të palosur, përcjell Telegrafi.
Dizajni i ri duket se bazohet në një hapësirë ngjyrë kafe, me “buzëqeshjen” e kompanisë dhe shiritin e kaltër.
Amazon’s new app logo be lookin like they’re the THIRD most downloaded in the “Reich” section. pic.twitter.com/znvvfQ5nst
— Jon Prosser (@jon_prosser) January 26, 2021
“Ne krijuam ikonën e re që paraqet gëzim në momentin kur klientët fillojnë blerjet nga telefoni i tyre, ashtu sikurse i shohin porositë tona të ardhura në shtëpitë e tyre”, ka njoftuar Amazon.
Pamja e Hitlerit është aq e njohur sa shumë njerëz pretendojnë se atë e “shohin” nëpër vende të ndryshme.
Në vitin 2011, një imazh i shfaqur në një shtëpi në Swansea, u bë virale pasi i ngjante diktatorit.
Disa vjet më vonë, një burrë ishte “tmerruar” kur pa se fotoja e tij e re në pasaportë i ngjante Hitlerit. /Telegrafi/