Slack, një platformë dhe korporatë për mesazhet në kohë reale dhe bashkëpunimin mes ekipeve, thuhet se është duke zgjuar interesimin e kompanive të mëdha të teknologjisë për blerjen e biznesit të tyre, e njëri ndër emrat e mëdhenj të industrisë përfshijnë edhe Amazon.com, njoftoi Bloomberg të enjten.
Një marrëveshje mund të vlerësojë Slack me të paktën 9 miliardë dollarë, njoftoi Bloomberg duke cituar njerëzit me njohuri për këtë çështje.
Slack është një platformë ku punonjësit mund të dërgojnë mesazhe, të bashkëpunojnë, të organizojnë dhe të ndajnë fotografi. Teknologjia gjithashtu integrohet me një shumëllojshmëri të gjerë të softuerëve të biznesit – si Salesforce.com dhe Skype të Microsoft Corp – kështuqë punonjësit mund të bëjnë të gjithë punën e tyre brenda Slack.
Kompania me bazë në San Francisko ka ngritur më shumë se 500 milionë dollarë nga kapitalistët sipërmarrës të cilët e kishin vlerësuar biznesin e saj me 3.8 miliardë dollarë në financimin e fundit privat të një viti më parë.
Të dy, Amazon dhe Slack nuk ishin menjëherë në dispozicion për të komentuar lidhur me këtë raportim të Bloomberg.