Dy herë fituesi i Ligës së Kampionëve, Xabi Alonso, beson se Real Madridi do të kënaqet me super përballjen ndaj PSG-së qysh në rrethin e parë eliminues të Ligës së Kampionëve.
Kampionët aktual të Evropës do të përballen me ekipin e Neymarit pas përfundimit në vendin e dytë të Grupit H.
Përkundër faktit se është në vendin e katërt në La Liga, tetë pikë prapa Barcelonës, ish-mesfushori i mbretërve insiston se ish-klubi i tij nuk do të bëjë një hap prapa.
“Real Madridi pëlqen sfidat e mëdha dhe tash e ka një të tillë. Do të jetë sfidë e mrekullueshme ndaj Parisit”.
“Është një prej këtyre ndeshjeve që vërtet pëlqeni dhe ata që shkojnë në Bernabeu pëlqejnë të shohin ndeshje të tilla”.
“Është vështirë të them kush është favorit, edhe pse kjo nuk ka ndonjë ndikim me atë që do të ndodhë. Unë e përkrah Realin”, deklaroi Alonso.
Ndeshja e parë zhvillohet në Santiago Bernabeu.
/Telegrafi/