Çifti Almeda Abazi dhe Tolgahan Sayisman janë shumë të përfolur në medie që nga koha kur e bën publike lidhjen e tyre.
Modelja shqiptare është martuar me aktorin e njohur turk, Tolgahan Sayisman i cili ende nuk ka vizituar Shqipërinë edhe pse tash e sa muaj janë martuar, shkruan lajmi.net.
Por, një foto e Almedës e publikuar sot ka ngjallur dyshimet nëse ata po marrin rrugën për në Shqipëri.
Në Insta-Story, Almeda ka postuar një imazh në të cilin ka fokusuar pasaportën shqiptare dhe biletën e aeroplanit nën të.
Në një intervistë dhënë para pak kohe për një medium shqiptar, Almeda dhe Çënari kishin deklaruar se shumë shpejt do të vijnë në Shqipëri, e ndoshta ajo ditë është sot.
