sipas ish-mesfushorit të Tottenham Hotspur, Darren Anderton, Dele Alli është një talenti i “çmendur” dhe mund të krahasohet me legjendat angleze, Steven Gerrard dhe Paul Scholes.
Mesfushori anglez ka shënuar 21 gola në të gjitha garat këtë sezon dhe paraqitjet e tij kanë bërë krahasime me mesfushorët më të mirë të epokës së Ligës Premier.
Alli ka luajtur një rol integral në skuadrën e Spurs duke qenë skuadra e vetme që rivalizon Chelsean për titullin e kampionit në Angli.
Paraqitjet e tij të mira kanë bërë që Alli të ketë një admirues të madh siç është Anderton, i cili e krahason mesfushorin me Gerrardin dhe Scholesin.
“Më duhet të them se e kam dashur Stevie G si një lojtar dhe Scholesy, por Dele Alli për moshën e tij është vetëm një talenti i çmendur”, ka thënë Anderton, duke folur ekskluzivisht në 888sport.
“Dua arrogancën e tij në fushë, sa i zgjuar është në gjetjen e pozicioneve që ai bën dhe gatishmërinë e tij për të provuar gjithçka”, përcjell Telegrafi.
“Është një gëzim i vërtetë për të parë atë teksa luan”, përfundoi ish-futbollisti i Tottenhamit. /Telegrafi/