Ish-trajneri i Juventusit, Massimiliano Allegri, është një nga kandidatët kryesor që mund ta zëvendësojë Ole Gunnar Solskjaerin në Manchester United.
Pas pesë titujve radhazi në Serie A si trajner i Juves, ai u zëvendësua nga Maurizio Sarri.
Sipas Daily Mail, Allegri po kërkon një sfidë të re jashtë vendit.
Gazeta pretendon se ai mund të kthehet më shpejt se sa që e ka paralajmëruar kthimin dhe United është klubi me të cilin ka kontakte.
Man Utd aktualisht po kalon një moment të vështirë në Ligën Premier dhe janë në vendin e pestë në renditje me pesë pikë pas Chelseat, i cili aktualisht zë vendin e fundit që dërgon në Ligën e Kampionëve.
Pas vetëm dy fitoreve nga gjashtë ndeshjet e fundit, puna e Solskjaer është vënë në dyshim dhe Allegri shihet si ideal për Djajtë e Kuq.
Marcello Lippi dhe Fabio Capello mësohet se e kanë mbështetur Allegrin dhe i kanë thënë ta pranojë punën.
Edhe Muuricio Pochettino është një nga kandidatët e mundshëm. /Telegrafi/