Fidan Aliti ka folur pas humbjes së Përfaqësueses së Kosovës ndaj Anglisë në kuadër të eliminatoreve për Euro 2020.
Dardanët u mposhtën me rezultat 5-3 nga Tre Luanët në një ndeshje plot emocion, aksion dhe gola.
Megjithatë, kjo humbje nuk zbeh gjasat e Kosovës për t’u kualifikuar në Kampionatin Evropian.
Sipas mbrojtësi Aliti, Kosova ka kualitetet e nevojshme dhe mund ta bëjë ëndrrën realitet.
“Na besojmë dhe i kemi kualitetet që t’i bëjmë ëndrrat realitet”, ka thënë fillimisht Aliti, kur u pyet nëse mund të arrihet kualifikimi në Euro 2020.
“Ka qenë një eksperiencë e mirë, sepse nuk na ka ra kurrë me lu me ekipe si Anglia”.
“Në pjesën e parë kemi qenë naiv dhe kemi luajtur hapur”, përfundoi mbrojtësi i Kosovës. /Telegrafi/