Ezgjan Alioski është njëri nga futbollistët më të mirë të Reprezentacionit të Maqedonisë.
Sulmuesi shqiptar i Leeds United shpesh herë i ka dhënë fitore ekipit përfaqësues të Maqedonisë me golat e tij.
Por në vendlindjen e tij në Prilep, atij i ndodhi një gjë shumë e pazakontë, pasi vetëm pse fliste në gjuhën amtare shqipe Alioskit iu kërkua ta lironte lokalin.
E për këtë ngjarje sulmuesi shqiptar ka folur për TV Klan.
Reprezentuesi i Maqedonisë ka thënë se është ndier shumë keq nga ky trajtim që i bënë, pasi ishte me prindërit e tij. /Telegrafi/
