Një aligator i madh u pa duke ecur përgjatë një rruge në Katy, Teksas – një qytet në perëndim të Houstonit.
Zvarraniku 3.3 metra i gjatë dhe rreth 180 kilogramë u kap nga Texas Parks dhe Wildlife rreth orës 11:30 të mëngjesit.
“Mëngjes i bukur për një shëtitje!”, Norvell postoi në Facebook së bashku me një video të aligatorit duke ecur në rrugën Peek, pranë Buffalo Bayou.
Fqinjët thanë se aligatori kishte shëtitur nëpër lagje që të paktën nga ora 5 e mëngjesit, raporton nypost.
Shpëtuesit e gjetën aligatorin të shtrirë pas ecjes dhe ishin në gjendje ta kapnin lehtësisht, tha Norvell.
Ata e vendosën zvarranikun në pjesën e pasme të një kamioni pasi e kishin lidhur me një litar dhe e dërguan në një vend të shenjtë në El Campo. /Telegrafi/
