Një familje nga Florida u trondit kur gjeti një aligator gjigant të zhytur në pishinën e tyre në oborrin e shtëpisë.
Banorët e Deep Creek dëgjuan zhurma gjatë natës në oborrin e shtëpisë së tyre dhe dolën për t’i hetuar ato.
Familja u zmbraps nga tmerri pasi pa krijesën masive prej mbi 3.3 metrash duke shijuar notimin në pishinën e tyre, raporton nypost.
Me ndihmën e një eksperti të aligatorëve, policia e hoqi bishën nga ambientet ndërsa zyrtarët thanë se ajo peshonte afërsisht 250 kilogramë.
Policia njoftoi se “pushtuesi” çau një rrethim të mbyllur për të nisur festën në pishinë.
Ndryshe, sezoni i çiftëzimit ka filluar në Floridën jugperëndimore dhe zyrtarët kanë paralajmëruar qytetarët për shtim të këtyre rasteve. /Telegrafi/
