Alicia Keys do të jetë e ftuar të këndojë në finalen e Ligës së Kampioneve në Milano më 28 maj.
Lajmin e ka konfirmuar UEFA në portalin e vet online, ku njoftohet se Keys do të këndojë në ceremoninë që do t’i paraprijë finales së madhe.
Këngëtarja amerikane është shprehur e lumtur për këtë fakt: “Jam shumë e kënaqur dhe e nderuar që do të këndoj në finalen e një evenimenti kaq të rëndësishëm sportiv. Do të jetë një moment shumë i rëndëishëm, ku duhet të tregojmë se jemi të gjithë njëlloj pavarësisht vendit nga vijmë. Jam shumë e nderuar”, është shprehur ajo
Alicia Keys është një nga këngëtaret më të suksesshme në qarkullim, me mbi 30 milionë disqe të shitura.