Telegrafi

Alex Rodriguez thyen heshtjen, flet për marrëdhënien me Madison LeCroy edhe pas ndarjes nga Jennifer Lopez

Prej disa muajsh raportohet për një lidhje mes Madison LeCroy dhe Alex Rodriguez, madje thuhej të kishte një tradhti dhe se ishte arsyeja kryesore e ndarjes nga Jennifer Lopez.

Një përfaqësues për ish-lojtarin e bejsbollit, 45 vjeç, ka mbyllur përfundimisht të gjitha aludimet se Rodriguez kontaktoi LeCroy, 30 vjeçe, edhe pasi ngeli beqar në prill.

“Nuk jam i sigurt se kush kërkon të përfitojë nga këto lloje thashethemesh dhe historish të rreme. Ato janë faktikisht të pasakta. Alex është i zënë duke u përqendruar në bizneset dhe familjen e tij”, tha përfaqësuesi i Rodriguez në një deklaratë për Us Weekly.

Foto: Shutterstock

Një burim gjithashtu tregon për Us Weekly se nuk ka asnjë të vërtetë për pretendimet se Rodriguez ra në kontakt me LeCroy javët e fundit.

Më herët, një tjetër burim i afërt me Alex tha se ata kurrë nuk janë takuar me njëri-tjetrin.

Lexo po ashtu Ish-partneri i J.Lo në kërkim të një lidhjeje të re

Derisa po qarkullonin lajme të ndryshme në lidhje me rastin, Rodriguez dhe Lopez përfundimisht u ndanë në prill pas disa vitesh së bashku.

Foto: Getty Images

“Ne e kemi kuptuar që jemi më mirë si miq dhe presim të qëndrojmë të tillë”, thanë ish-çifti në një deklaratë të përbashkët më 15 prill. “Ne do të vazhdojmë të punojmë së bashku dhe të mbështesim njëri-tjetrin në bizneset dhe projektet tona të përbashkëta . Ne i urojmë më të mirën njëri-tjetrit dhe fëmijëve të njëri-tjetrit. I vetmi koment tjetër që kemi për të thënë është faleminderit për të gjithë ata që na kanë mbështetur”.

Jennifer në anën tjetër po shijon lidhjen e re me ish-partnerin e saj, aktorin Ben Affleck. Ajo këto ditë u fotografua edhe me ish-partnerin tjetër, Marc Anthony, me të cilin ka edhe dy fëmijë.

Foto: Getty Images

Ylli i bejsbollit nga ana tjetër është në kërkim të një lidhjeje të re. /Telegrafi/