Aktorët e famshëm hollivudianë, Alec Baldwin dhe Jim Carrey, janë shfaqur në një prej episodeve të fundit të Saturday Night Live.
Dy yjet janë shfaqur në rolin e presidentit amerikan, Donald Trump dhe ish-zëvendëspresidentit, njëherësh kandidatit për Shtëpinë e Bardhë, Joe Biden.
Në videon disaminutëshe, Baldwin dhe Carrey në karakteret e tyre kanë biseduar për tema të ndryshme, ndërsa moderatorë të emisionit ishin Mikey Day dhe Kate McKinnon.
Derisa Trump u përgjigjet pyetjeve lidhur me coronavirusin, pedofilinë, debatet, republikanët…, Biden me mjeshtëri iu shmanget pyetjeve që i bëhen, duke mos u përgjigjur konkretisht në asnjërën prej tyre.
Javë më parë, SNL e publikoi edhe skeçin e debatit të parë të dy kandidatëve (të prezantuar nga Baldwin dhe Carrey), në një video që numëron mbi 26 milionë shikime në YouTube. /Telegrafi/
