Albion Rrahmani gjen golin në Ligën e Kampionëve, shënon përballë Feyenoordit

Albion Rrahmani ka gjetur golin e parë në Ligën e Kampionëve, duke shënuar në portën e Feyenoordit.

Sulmuesin ynë u aktivizua nga minuta e parë në ndeshjen që Sparta Praga po e zhvillon në Holandë si mysafir.

Holandezët shënuan tri herë në pjesën e parë me Gernot Trauner, Igor Paixao dhe Anis Hadj Moussa .

Për ta zbutur këtë epërsi u përkujdes Albion Rrahmani i cili ishte i saktë me një goditje brenda zone për 3-1 në minutën e 43-të.

Ky është goli i parë i Albion Rrahmanit në fazën e ligës në Ligën e Kampionëve, pasi më parë kishte shënuar edhe në play-off ndaj Malmo. /Telegrafi/