Skitari nga Kosova, Albin Tahiri ka përfunduar edhe garën e radhës në Lojërat Olimpike Dimërore PyeongChang 2018.
Albin Tahiri ka përfunduar edhe garën e sllallomit të madh në LOD PyeongChang 2018.
Skitari ynë nga kjo garë zuri vendin e 56-të nga gjithsej 110 garues sa morën pjesë.
Përfaqësuesi i Kosovës në PyeongChan pati kohën prej 2:37.47 sekonda pas dy lëshimeve.
Në lëshimin e parë ishte i 65-ti me kohë 1:19.49 sekonda.
Gara e fundit për Albin Tahirin në LOD PyeongChang 2018 do të jetë sllallomi.
Medaljen e artë e fitoi austriaku Marcel Hirscher (2:18.04 sekonda).
I dyti ishte Henrik Kristofferssen i Norvegjisë (2:19.31), kurse e bronzta shkoi për francezin Alexis Pintorault (2:19.35). /Telegrafi/