Ka filluar ditën e shtunë edicioni pranveror në Albi Mall Superligën e Kosovës në futboll me tre ndeshje të zhvilluara.
Ndërkohë në kuadër të xhiros së 19-të sot luhen edhe dy sfida të tjera që pritet të jenë shumë interesante.
Dukagjini dhe Prishtina do të takohen përsëri, tani në kuadër të Albi Mall Superligës dhe ndeshja zhvillohet në Klinë.
Dy skuadrat u takuan të hënën në kuadër të Kupës së Kosovës, ku kryeqytetasit triumfuan 3-1.
Klinasit duan ‘hakmarrje’ për eliminimin nga Kupa dhe kërkojnë fitore në kampionat, ku me tre pikët do t’i afroheshin kryeqytetasve në tabelë.
Nga ana tjetër edhe skuadra bardhekaltër udhëton drejt Klinës për pikët e plota.
Trepça ’89 dhe Drita do të përballen në stadiumin ‘Riza Lushta’ në kuadër të xhiros së 19-të në Albi Mall Superligë.
Dy skuadrat kanë objektiva krejtësisht të kundërta, me vendasit që duan t’i shmangën rënies dhe mysafirët që kërkojnë ta rikthejnë titullin e kampionit.
89-shi në tre sfidat e fundit në kampionat ka marrë vetëm një pikë dhe kërkon ta befasoj skuadrën gjilanase.
Në anën tjetër Drita në krye me trajnerin e ri Arsim Thaqi synon tre pikët në Mitrovicë.
Të dyja sfidat e ditës së sotme fillojnë nga ora 13:00. /Telegrafi/