Vazhdon të mbetet njëra prej këngëtareve më atraktive shqiptare, pavarësisht se muajin e kaluar mbushi plot 44 vite jetë.
Fjala është për artisten e mirënjohur, Albërie Hadërgjonaj, e cila rrëmben vëmendje sa herë që ndan me ndjekësit e saj imazhe dhe video në rrjetet sociale.
Së fundmi, e njëjta ka publikuar një fotografi pranë dy vajzave të saj, Agnesës dhe Anxhelinës, ndërsa duket në top formë.
Imazhi në fjalë ka të bëjë me një nga paraqitjet e fundit të këngëtares, e cila shkëlqen me dukjen glamuroze në fustanin e gjatë gri, për dallim nga vajzat e saj që zgjodhën ngjyrën e zezë.
“E bekuar”, ka shkruar ajo krahas këtij imazhi.
Me këtë foto lirshëm mund të thuhet se këngëtarja Hadërgjonaj ‘sfidon’ edhe vajzat e saj me linjat trupore, të cilat janë për t’u pasur zili.
Nga ana tjetër, Hadërgjonaj shquhet për karrierën e bujshme profesionale dhe deri më tani numëron projekte të shumta dhe mjaft të pëlqyera. /Telegrafi/