“Al bën që Mona Liza të këndojë” – videoja ngjall reagime të shumta në internet

Microsoft së fundmi ka prezantuar një model të ri me Al që mund të gjenerojë video realiste të fytyrave njerëzore që flasin.

I quajtur VASA-1, modeli imazh-në-video transformon fotot e palëvizshme të fytyrave njerëzore në video, përcjell Telegrafi.

Së fundmi, një video që demonstron aftësitë e aplikacionit është bërë virale në rrjete sociale.

Videoja shfaq pikturën ikonike të Leonardo da Vincit, Mona Lizën, duke kënduar.

Ndërsa disa u argëtuan nga klipi qesharak, të tjerë shprehën shqetësimet e tyre për përdorimin e aplikacionit për të krijuar falsifikime të thella.

“Klipi i Mona Lizës më bëri të rrokullisesha në dysheme duke qeshur”, shkroi një përdorues. /Telegrafi/