Një burrë i cili akuzohej se kishte vjedhur nga kontejneri i mbeturinave, është nokautuar me një goditje në mes të rrugës në qendër të qytetit.
Pamjet amatore të publikuara në internet shfaqin dy burra duke u grindur, pasi njëri prej tyre ishte kapur “vjedhur në kontejner të mbeturinave” në Grimsby në Angli, transmeton Telegrafi.
Hajnat kishin kontrolluar kontejnerët dhe shportat e mbeturinave të një lagjeje, duke shpresuar se do të gjejnë dokumente personale të banorëve që mund t’i shfrytëzojnë për të marrë informacione për viktimat e mundshme të plaçkitjeve.
Ndërkaq personi që sulmon hajnin e kontejnerëve, është identifikuar si David ndërsa ngjarja raportohet të ketë ndodhur dy javë më parë.
Sulmuesi mund të dëgjohet duke e pyetur viktimën: “Pse po sorollatesh në oborrin e shtëpisë time?”. Dhe derisa ai nuk i jep përgjigje dhe mundohet nga vendi i ngjarjes, burri sërish i kërkon t’i përgjigjet dhe të ndalet.
Pasi që refuzon t’i përgjigjet, ai goditet dhe përfundon në tokë. /Telegrafi/
