Një nga politikanët më të fuqishëm të Rumanisë, Liviu Dragnea është dënuar me burg nga Gjykata e Apelit në këtë shtet.
Gjykata e Apelit në Rumani ka hedhur poshtë pretendimet nga kreu i Partisë Social Demokrate (PSD), Liviu Dragnea i cili kërkonte ndryshimin e dënimit të tij në vitin 2018 pasi akuzohej për korrupsion.
Vendimi nga Gjykata e Apelit në Bukuresht u dha ditën e sotme, duke lënë kështu në fuqi dënimin e dhënë më parë me 3 vite e 6 muaj heqje lirie.
Ai gjithashtu akuzohet edhe për raste të manipulimit të votave, përcjell Shqiptarja.
Dragnea, mban postin e kryetarit të Kuvendit në Rumani duke u konsideruar kështu si një nga politikanët më të fuqishëm të vendit.
Kujtojmë se Rumania është tronditur gjatë dy viteve nga rastet e dyshuara për korrupsion dhe nga protestat e vazhdueshme që janë mbajtur nga qytetarët.