Aktorja e njohur shqiptare, Yllka Gashi, prej vitesh jeton dhe vepron në Shtetet e Bashkuara të Amerikës.
Ajo dhe bashkëshorti i saj, Albianin, bashkë me vajzën e tyre, Nina, kanë ndërtuar një jetë të re në New York dhe vijnë herë pas here në Kosovë.
Të martën e 3 nëntorit, kur në Amerikë u mbajtën zgjedhjet presidenciale, aktorja shqiptare nuk mungoi në procesin e votimit.
Ajo publikoi një fotografi në rrjetin social Instagram, ku shfaqej bashkë me burrin dhe vajzën e saj, pasi çifti kanë përfunduar obligimin e tyre qytetar.
Në përshkrimin e fotografisë, Gashi bëri të ditur edhe votën e saj, duke deklaruar se ishte rreshtuar kah kandidati demokrat për një të ardhme më të mirë.
“Ne votuam, le ta bëjmë Amerikën të këndshme sërish, Joe Biden dhe Kamala Harris”, ka shkruar aktorja Yllka Gashi në mbishkrimin e fotografisë.
Kujtojmë që vitin e kaluar, Yllka ishte prezente në Kosovë për xhirimet e filmit “Zgjoi”, realizimi dhe publikimi i të cilit duket se është shtyrë i ndikuar nga pandemia globale COVID-19. /Telegrafi/