Aktorja Stacey Dash ka shpërthyer në lot kur ka mësuar se reperi legjendar amerikan, DMX, ka ndërruar jetë, megjithëse kjo ka ndodhur më shumë se një vit më parë.
Ylli i filmit “Clueless” shpërtheu në lot për vdekjen e reperit në një video që ajo e postoi në TikTok të mërkurën, duke thënë se i vinte turp që nuk dinte për sulmin e tij në zemër të shkaktuar nga kokaina.
“Sot kanë kaluar gjashtë vjet e një muaj që jam pastër (nga droga) dhe kjo më thyen zemrën. Ai humbi nga kjo. Ai humbi nga ai demon i varësisë. Ju lutem mos humbni”.
@official.staceydash I was strolling through #tiktok and found a #DMX song that has saved me many times. Suddenly it says #RIP i know I am late, i did not know he passed away, he #OD I am heartbroken – he was such a great guy. #devestated #staceydash #fyp #sober
“Isha duke shikuar nëpër TikTok dhe gjeta këngën e tij që më ka shpëtuar shumë herë. Papritur shkruan #RIP. Nuk e dija se ka ndërruar jetë. Unë jam e thyer – ai ishte një djalë shumë i mrekullueshëm”, është shprehur Dash.
Për kujtesë, DMX vdiq më 9 prill 2021 në moshën 50 vjeçare, ndërsa shumëkush nuk mund t’i besonte aktores se nuk kishte dëgjuar për vdekjen e tij. /Telegrafi/