Aktorja Naya Rivera është zhdukur dhe supozohet se ka vdekur sot pasi djali i saj katër vjeçar u gjet i vetëm në një varkë në Kaliforni.
Ylli i “Glee” dhe djali i saj, Josey morën me qira një varkë në liqenin e ‘Piru’ të mërkurën pasdite, por tre orë më vonë një tjetër varkë lajmëroi se anija po shkonte dhe fëmija ishte në gjumë.
Policët gjetën jelekun e Riveras në varkë dhe besojnë se ‘ajo shkoi në liqen’ për të notuar duke supozuar se edhe mund ‘të jetë mbytur’.
Ndërkaq, makina e saj u gjet aty pranë.
Josey katër vjeçar u ka thënë hetuesve se nëna e tij u hodh në ujë dhe nuk u kthye më, raporton TMZ, por rrethanat janë të paqarta dhe policët thonë se është ‘sfiduese’ të marr në pyetje një vogëlush.
Departamenti i Sherifit të Qarkut Ventura konfirmoi mbrëmë se gruaja e zhdukur ishte 33-vjeçarja Rivera, e cila luajti në 113 episodet e hit serialit nga 2009 deri në 2015.
Zhytësit dhe helikopterët po pastronin rezervuarin derisa errësira të binte, por asnjë gjurmë e Rivera nuk është gjetur dhe kërkimet tani janë ndalur deri në mëngjes.
Zyrtarët thanë për NBC se zhdukja e saj është ‘konsideruar si një aksident i tmerrshëm’.
Autoritetet besojnë se Naya është ‘mbytur’, sipas kapitenit Eric Buschow, një zëdhënës i Zyrës së Sherifit të Qarkut Ventura, megjithëse do të shohim në vijim. /Telegrafi/
