Amanda Bynes thuhet se qëndron në një institucion të shëndetit mendor pothuajse tre javë pasi u shfaq lakuriq rrugëve të Los Angelesit.
Aktorja, e cila u vendos në një spital psikiatrik muajin e kaluar, po vazhdon të trajtohet akoma.
Burime pranë yllit të “Amanda Show” thanë se ajo nuk ndihet “gati të largohet” dhe data e daljes së saj është ende “e pacaktuar”.
“Ata përreth saj tashmë po formulojnë një plan për t’u siguruar që ajo të qëndrojë në rrugën e duhur”, thuhej në raportim.
Ditë më parë pati raportime se artistja po qëndron ende pasi ka pasur përmirësime të dukshme.
Ylli i “Easy A”, e cila më parë ishte diagnostikuar me çrregullim bipolar, mund të ketë jetuar “në rrugë për ditë të tëra”.
Më 15 mars – katër ditë para se të gjendej – makina e saj u tërhoq në Long Beach, Kaliforni, disa kilometra larg nga shtëpia e saj.
Vendndodhja e automjetit ishte gjithashtu disa metra larg nga vendi ku ajo u gjet përfundimisht nga policët në qendër të Los Angelesit. /Telegrafi/
