Aktori Kosovar Fatmir Haliti, në rolin e Burimit nga filmi “Thundra” është nominuar në kategorinë ‘Best Actor’ në Festivalin “Branson Film Festival” në Amerikë, i cili do të mbahet me 4 prill 2019.
I njohur si Metushi nga seriali vendor “Pleqtë”, aktori Fatmir Haliti paraqitet në rol kryesor te filmi “Thundra” i cili është nën regjin e Shkelzen Sylejmanit.
Të jem ndër aktorët e nominuar në një festival të tillë është privilegj, prandaj edhe do te jem prezent në ndarjen e çmimeve.
“Ndjehem shumë i lumtur që jam nominuar në një festival me kaq nam, falënderoj përzemërsisht regjisorin për besimin, si dhe gjithë ekipit të filmit për një punë të mrekullueshme” u shpreh aktori Haliti.
Ndër të tjera, ai shtoi se gjatë vitit 2019 do të këtë shumë projekte dhe risi.
Përveç serialeve dhe filmit aktori ka qenë i angazhuar edhe në disa shfaqje teatrale gjatë këtij viti.
Me shfaqjen “Sundimi i Gruas” në regji të Marigona Bekteshi Ferati me shumë sukses është prezantuar në Festivalin ndërkombëtar “RITU 35” në Belgjik, shfaqjen “Shtëpia në Kufi” në regji të Ekrem Sopit, si dhe së fundi në shfaqjen “Si ta vrasim Presidentin” e cila është realizuar në Teatrin Kombëtar të Kosovës nga regjisorja Marigona Bekteshi Ferati.
I njohur si ‘Metushi’ nga seriali vendor “Pleqtë”, aktori Fatmir Haliti paraqitet në rol kryesor te filmi “Thundra” i cili është nën regjin e Shkelzen Sylejmanit, e me producente Bujar Zeqiri. /Telegrafi/
