Me argëtim e të qeshura ka kaluar mbrëmja e “Shiko kush luan” nën drejtimin e moderatores dhe autores, Luana Vjollca.
Të ftuarit padiskutim që i dhanë dozën e duhur të humorit programit, por në mënyrë të veçantë aktori i “Portokalli”, Rezart Veleshnja.
Ai gjatë programit pranoi që ishte fejuar, por duke qenë se bën shpesh shaka me këtë fakt konfirmimin e plotë e dha në fund të emisionit.
Në lojën “Ndaje ose pije”, Veleshnja u pyet për një postim që ka bërë disa javë më parë në Instagram.
Bëhej fjalë për një fotografi me një vajzë të cilën ai e kishte fshirë më pas, transmeton Top Channel.
“Cila është ajo vajzë, pse e fshive foton dhe si quhet?”, ishte pyetja që duhej të merrte përgjigje.
I zënë ngushtë nëse duhet të pinte gotën apo të thoshte emrin e vajzës, ai është shprehur me humor: “E fshiva se nuk dua ta ndaj me të tjerët dhe emrin e ka si Lori Caffe”.