KEDS doli me një njoftim ditën e sotme (e mërkurë) duke paralajmëruar se do të ketë reduktime të rrymës elektrike në të gjithë Kosovën.
Derisa disa lagje të Prishtinës momentalisht janë pa rrymë, një gjë e tillë ka ndodhur edhe në Teatrin Kombëtar të Kosovës.
Aktori i njohur shqiptar, Kushtrim Sheremeti, në një shkrim të shpërndarë në Twitter njoftoi se është ndalur rryma edhe në Teatër dhe si pasojë ka dështuar një nga ngjarjet që ishte paraparë të shfaqej në orën 20:00.
#KEDS e ndal rrymen fiks ne ora 20:00 ne Teatrin Kombetar te Kosoves, Teatrit Kombetar nuk i punon gjeneratori qe 2-3 vjet dhe si pasoje anulohet shfaqja Lela & Co ndersa salla ishte plot me publik #KosoveDjepLirie
— Kushtrim Sheremeti (@ksheremeti) December 22, 2021
I njëjti shtoi se rryma në Teatrin Kombëtar të Kosovës është ndalur fiks në ora 20:00.
“KEDS e ndal rrymën fiks në ora 20:00 në Teatrin Kombëtar të Kosovës, Teatrit Kombëtar nuk i punon gjeneratori që 2 – 3 vite dhe si pasojë anulohet shfaqja Lela&Co ndërsa salla ishte plot me publik”, tha ai.
Në fund, Sheremeti bëri një ironizim duke shtuar: “Kosovë Djep Lirie”. /Telegrafi/