Aktori amerikan, Ike Barinholtz, ka pësuar një aksident gjatë xhirimeve të filmit të ri, “The Pact”, me ç’rast ka pësuar thyerje në qafë.
Ylli i filmave “Mindy Project” e “Suicide Squad” ka rënë nga një platformë e lartë dhe ka pësuar frakturë në dy vertebra të qafës, shkruan People.
“Menjëherë e kuptuam se diçka nuk ishte në rregull, ishte e tmerrshme. Fatmirësisht kisha mjekë të përsosur, të cilët më ndihmuan shumë. Po bëj çfarë më thonë ata”, ka treguar Barinholtz.
Edhe karakteri i tij në film do ta ketë të njëjtin fat, prandaj do të duket shumë më bindës në xhirimet e mëtutjeshme.
“Për fatin tim, luaj rolin e një karakteri që mund ta thyejë qafën derisa rrëzohet nga krevati, prandaj do të jetë shumë bindëse”, ka thënë ai.
Për më shumë, aktori i ka falënderuar miqtë dhe familjarët që i kanë dalë në mbështetje. /Telegrafi/
