Tom Felton është në gjendje të mirë shëndetësore, pas rrëzimit në fushën e golfit, konfirmoi ai në mediat sociale.
Aktori i Harry Potter, i cili luajti si Draco Malfoy i keq në filmin e njohur, mori pjesë në ndeshjet e të famshmëve përpara Kupës së 43 -të Ryder në Wisconsin më 23 shtator, shkruan Yahoo.com.
Në një moment gjatë ngjarjes, aktori u rrëzua dhe u largua në një karrocë golfi. Në fotot nga ngjarja, Felton dukej se ishte i vetëdijshëm, megjithatë asnjë arsye për gjendjen e tij nuk u dha.
Në një video që postoi më 25 shtator, aktori i Feed falënderoi mbështetësit e tij për mbështetjen dhe urimet për shërim sa më të shpejt, pas ngjarjes së tij.
“Unë jam në rregullim. Njerëzit janë kujdesur shumë mirë për mua, kështu që faleminderit shumë për këdo që ka dërguar mesazhe për shërim të shpejt”, ka thënë aktori.
Felton madje nxori kitarën e tij dhe këndoi një këngë duke inkurajuar ndjekësit e tij “të mos shqetësohen” për shëndetin e tij.
“Koha për të parë aksionin e Ryder Cup”, përfundoi ai videon.
Në pjesën e komenteve, ndjekësit e Felton ishin të emocionuar kur panë që ylli ishte në gjendje të mire shëndetësore. /Telegrafi/