Ka nisur transmetimin emisioni më i ri argëtues, “VIP Dado”.
Ky format sjell personazhet e njohur në rolin e kujdestarit të fëmijëve përgjatë një dite të tërë.
I ftuari i parë për të provuar një eksperiencë të tillë, ka qenë aktori i njohur nga Gjakova, Edi Kastrati.
Ai vizitoi fëmijët e një kopshti në Prishtinë dhe brenda një dite të vetme, luajti rolin e kujdestarit të tyre, duke u kujdesur fillimisht për ta, më pas ushqyer dhe ndërruar pelenat.
Aktori i “O Sa Mirë”, u ka lexuar gjithashtu përralla dhe krejt në fund është kujdesur që edhe t’i argëtojë ata.
Në “VIP Dado” pritet që eksperiencën e kudjestarit të fëmijëve ta provojnë në vazhdimësi edhe shumë personazhe tjerë të famshëm. /Telegrafi/
