Ylli legjendar televiziv Dick Van Dyke thuhet se u lëndua kur u përplas me makinën e tipit Lexus në Malibu, Kaliforni pasi humbi kontrollin në timon.
Makina e aktorit 97-vjeçar rrëshqiti nga kushtet e motit të lagësht përpara se të përplasej me një portë të mërkurën në mëngjes (22 mars), raporton TMZ.
Nga aksidenti ai u pa me hundë dhe gojë të gjakosur, si dhe një tronditje të mundshme.
Policia mbërriti për të gjetur veteranin e Hollywoodit pas timonit të makinës së tij ‘Lexus LS 500’.
Ai u trajtua në vendngjarje nga mjekët ndihmës, por Van Dyke nuk u dërgua në spital dhe u mor nga një mik që e çoi në shtëpi.
Oficerët thanë se droga dhe alkooli nuk ishin të përfshirë si një nga shkaqet e aksidentit.
Ky aksident vjen gati 10 vjet pasi Van Dyke u përfshi në një tjetër aksident me makinë, kur ai u shpëtua nga Jaguar-i i tij i djegur në Los Angeles.
Aktori u tërhoq nga automjeti, duke mos e kuptuar se po digjej në autostradë. Van Dyke tha atë kohë se shpëtoi i padëmtuar. /Telegrafi/
