Tre prej aktorëve kryesor të serialit të famshëm “Kafeneja jonë”, Fatmir Spahiu, Fatos Kryeziu dhe Donat Qosja janë bërë sërish bashkë për një projekt të ri.
Bëhet fjalë për një komedi televizive që pritet të transmetohet në natën e Vitit të Ri.
Lajmin për fansat e tyre e ka bërë të ditur Spahiu përmes një postimi në llogarinë e tij në Facebook.
“Na atje, ata ketu”, komedi televizive që do të transmetohet natën e vitit të ri”, ka shkruar aktori në mbishkrimin e një imazhi ku shihet me Fatosin dhe Donatin.
Kujtojmë që të tre aktorët u bën të dashur për publikun me rolet e tyre në serialin “Kafeneja jonë” dhe padyshim një projekt i tyre i ri do të mirëpritet.
Treshja e aktorëve ndërkohë mbesin të angazhuar edhe me projekte të tjera filmike. /Telegrafi/
