Yan Rachinsky që është bashkëfitues i Çmimit Nobel për Paqe këtë vit ka thënë se autoritetet e Kremlinit i thanë që ta refuzonte çmimin.
Rachinsky i cili drejton, Memorialin, tha se atij iu tha të mos e pranonte çmimin pasi dy bashkë-laureatët e tjerë – një organizatë ukrainase për të drejtat e njeriut dhe mbrojtësi i të drejtave bjelloruse i burgosur – u konsideruan “të papërshtatshëm”.
Memorial është një nga grupet më të vjetra të të drejtave civile në Rusi dhe u mbyll nga qeveria vitin e kaluar, transmeton Telegrafi.
Në një intervistë ekskluzive me programin HARDtalk të BBC-s, Rachinsky tha se organizata e tij ishte këshilluar të refuzonte çmimin, por “natyrisht, ne nuk e morëm parasysh këtë këshillë”.
Pavarësisht kërcënimeve për sigurinë e tij, Rachinsky tha se puna e Memorialit mbeti thelbësore.
“Në Rusinë e sotme, siguria personale e askujt nuk mund të garantohet”, tha ai. “Po, shumë janë vrarë. Por ne e dimë se çfarë çon mosndëshkimi i shtetit… Ne duhet të dalim nga kjo gropë disi.”
Memoriali ka dokumentuar represionin historik sovjetik.
Rachinsky me organizatën e tij Memorial, fitoi çmimin Nobel për Paqe së bashku me avokatin bjellorus të të drejtave të njeriut, Ales Bialiatski dhe një organizatë ukrainase.