Telegrafi

Aktivistët e klimës vandalizuan portën e Brandenburgut, por ata do të duhet të paguajnë për gjithçka

Burim Tmava

Aktivistët e lëvi0zjes klimatike Letzte Generation (Gjenerata e fundit) vandalizuan të dielën Portën e Brandenburgut, një nga simbolet kryesore të Berlinit, me bojë të kuqe.

Policia, e cila ruan vazhdimisht këtë monument të rëndësishëm të Berlinit, arrestoi 14 persona, transmeton Telegrafi.

Protestuesit derdhën ujë mbi shtyllat e portave të dielën në mëngjes. Të gjashtë shtyllat e ndërtesës së shquar deri në disa metra lartësi janë dëmtuar. Boja ka dëmtuar fasadën.

Sipas vlerësimeve të para, pastrimi i bojës nga vandalët e klimës nga lëvizja Letzte Generation do të kushtojë 35,000 euro.

Këtë e ka konfirmuar zëdhënësja e administratës së pasurive të paluajtshme të qytetit, Marlen Koenecke, për gazetën e Berlinit Der Tagesspiegel, duke deklaruar se shuma do të jetë më e lartë se sa pritej fillimisht.

Ngjyrat e përdorura nuk janë të tretshme në ujë, kështu që heqja e tyre do të jetë teknikisht më e vështirë.

Deri në dy metra lartësi, monumenti tashmë është pastruar sepse pjesët e poshtme të kolonave janë veshur me një shtresë mbrojtëse kundër grafitit.

Më keq do të jetë në pjesët e sipërme, ku pastrimi nuk mund të bëhet pa platforma të larta.

Ndërkohë, autoriteti i trashëgimisë së Berlinit raportoi se heqja e bojës me presion të lartë kishte dëmtuar sipërfaqen në disa vende.

“Është një garë me kohën sepse boja është ende duke u forcuar”, tha zyra. /Telegrafi/