Që në orët e para të mëngjesit të sotëm Policia e Kosovës në bashkëpunim me Ministrinë e Mjedisit dhe Planifikimit Hapësinor, janë duke zhvilluar një aksion në Brezovicë.
Lajmin për Telegrafin e ka konfirmuar zëdhënësi i policisë, Baki Kelani.
“Mund të konfirmojmë se me autorizimin e Prokurorisë Themelore në Ferizaj është duke u zhvilluar një operacion në këtë rajon në bashkëpunim edhe me institucionet tjera relevante”, ka thënë Kelani.
Ai ka shtuar se për detaje rreth aksionit do të informoheni më vonë. /Telegrafi/