Vetura e ambasadorit të ShBA-ve në Kosovë, Greg Delawie, është aksidentuar sot në lagjen “Arbëria” në kryeqytet.
Siç shihet pamjet e kapura nga Ekonomia Online, në vendin e ngjarjes ka dalë edhe Policia e Kosovës, ndërsa nuk raportohet për të lënduar, por vetëm për dëme materiale.
Ambasadori Delawie ishte në një konferencë së bashku më drejtorin e misionit të USAID-it, James Hope, në një konferencë te “Gjirafa”, ku kanë folur për nisjen e partneritetit të ri për zhvillimin e ekonomisë së internetit, ndërsa vetura e tij është goditur nga një veturë e tipit Audi. /Ekonomia Online/
