Një aksident është shënuar mëngjesin e sotëm në rrugën e fshatit Pllanë të Lezhës, në afërsi të një shkolle.
Sipas njoftimit të policisë, një automjet ka dalë nga rruga dhe është përmbysur.
Si pasojë e aksidentit është lënduar drejtuesja e mjetit, e cila është identifikuar si shtetasja Oldiana Margjini, 32-vjeçe.
Drejtuesja e mjetit është transportuar menjëherë drejt spitalit Rajonal të Lezhës dhe ndodhet nën kujdesin e mjekëve.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes. /Telegrafi/