Pas një aksidenti që ka ndodhur sot rreth orës 21:00, në fshatin Pestovë ka ndodhur edhe një rrahje brutale.
Lajmin për Telegrafin e ka konfirmuar zëdhënësi i policisë për rajonin e Mitrovicës, Avni Zahiti.
Zahiti ka treguar se fillimisht kishte ndodhur aksidenti ku pastaj personat e përfshirë në këtë aksident ishin përfshirë në një rrahje mes veti.
“Nga informacionet e para raportohet se si pasojë e një aksidenti që ka ndodhur rreth orës 21:00 në rrugën nacionale Mitrovicë-Prishtinë në fshatin Pestovë, personat e përfshirë në aksident ishin përfshirë në rrahje mes veti. Policia kanë reaguar me urgjencë ndërkohë që katër persona janë arrestuar”, ka thënë Zahiti.
Ai ka shtuar se njësitet përkatëse janë duke u marrë me rastin. /Telegrafi/
